Notbuk alarkən nələrə diqqət etməliyik? . Əvvəlcə notbukda fikir verməli olduğunuz 5 əsas parametr barede qisaca melumat verek.
Prosessor - sadə dildə desək kompüterin beyni. Bu hissə sıfır və birdən ibarət ikili say sistemi ilə işləyir. Bütün riyazi proseslərin mərkəzi funksiyasını daşıyır. İki əsas istehsalçı tərəfindən istehsal edilir.
İntel və AMD. İntelin: Celeron-Core i3-i5-i7 seriyaları, ən geniş yayılmış seriyaları hesab edilir . Hal hazırda 14 cü və Ultra nəsil ən soncusudur. AMD-nin isə Athlon Ryzen 3-ryzen5-ryzen7 seriyaları,
ən geniş yayılmış seriyaları hesab edilir. AMD 9000 seriyası yəni 9-cu nəsil ən sonuncusudur.
Açıqlaması Random Acsess Memory – yəni müvəqqəti əməli yaddaş və ya operativ yaddaş deyə adlandırdığımız bu hissənin, əsas işi işlək halda olan proqramı özündə saxlamaqdan ve prosessorun müraciətlərinə daha sürətli cavab verməkdən ibarətdir. Belə demək mümkünsə kompüterin əlləridir. Nə qədər çox GB dəyərinə malik olarsa, o qədsər çox proqramı eyni anda işlətmənizə köməkçi olacaq. Günümüz notbuklarında 8-16 GB yaddaşı olanları ən çox istifadə edilən parametrlərdir. əsasən Samsung, Hynix, Crucial kimi firmalar istehsal edir. Masaüstü kompüterlərdən fərqli olaraq notbuklarda RAM ın istehsalçısı önəmli sayılmır. Çünki performans və keyfiyyət olaraq aralarındakı fərq, yox denəcək qədər az fərqlənir. Praktik olaraq xüsusi əhəmiyyət kəsp etmir.
Hard disk dediyimiz Sərt Disk tipli mexaniki yaddaş və SSD adlandırılıan elektron yaddaş olaraq iki fəqrli növü var. Fərqləri nədir? Hard disk köhnə texnologiyaya əsaslanan mexaniki yaddaşdır. İçində dəmir diskdən və oxuma yazma başlığından ibarət bir iş prinsipi ilə işləyir. Mənfi cəhəti, elektron yaddaş (ssd ) -dan daha aşağı sürətlə işləməsidir. Üstün cəhəti isə yaddaşda hər-hansı zədələnmə və ya prabləm yarandığında itmiş məlumatın qaytarılması çox daha asan şəkildə mümkün olmasıdır. SSD yaddaş isə Hard diskdən minimum 10 dəfə sürətli olmasına baxmayaraq çip əsaslı olduğuna görə itmiş məlumatların qaytarılması hələki hard diskə nisbətən daha çətindir. Günümüz kompüterlərində təbii olaraq ssd yaddaşa daha çox üstünlük verilir. Zamanla yəqin ki, hard diskin adını biz daha az eşidəyəcəyik. İstifadəsi də önəmli dərəcədə azalacaq. Təbii ki, notbukda həm ssd həm hard disk yaddaşlarının hər ikisnin olması ən yaxşı seçim olaraq qalır. Büdcəyə uyğun bir kompüter istifadə edəcək və mənə bunlardan biri kifayət edər deyirsinizsə, SSD olanı seçməyiniz daha məqsədə uyğunudur. Daimi yaddaş qurğuları Western Digital, Samsung, Crucial, Seagate, Toshiba kimi bir çox şirkət tərəfindən istehsal edilir.
Ekran kartı və ya Video Kart dediyimiz hissə kompüterin başa düşdüyü yeganə dil olan 0 və 1 şəklində olan məlumatı bizim başa düşəcəyimiz video, mahnı, mətn və s. formatda məlumata çevrilməsini yerinə yetirən bir hissədir. Daxili və xarici ekran kartı olmaqla iki növü var. Daxili ekran kartı - o demədir ki, prosessorun daxilində həmin funksiyanı yerinə yetirən bir çip yerləşdirilir. Və RAM yaddaşı nə qədər çox olarsa həmin daxili ekran kartı da ona nisbətən daha yuxarı GB dəyərlərini göstərə bilir. Bu halda Ekran kartının özünün ayrıca yaddaşı mövcud deyil. İkinci növ ekran kartı isə xarici ekran kartlarıdır. Xarici ekran kartı əsasən oyun və qrafika işləri üçün istifadə olunan kompüterlərdə tələb olunur. Xarici ekran karti olan notbuklarda prosessorun yanında bir də, ayrıca ekran kartı olaraq öz nüvəsi və yaddaşı olan bir çip yerləşdirilmiş olur. 2-4-6 və daha yuarı GB dəyərlərinə malik ola bilir. Əsas istehsalçı olan Nvidia firması kompüterlərin geniş istifadəsinə başlandığı vaxtdan günümüzə qədər bazarda liderliyini qoruyub saxlamış şirkətdir. Son dövrlərdə AMD yeni texnologiyalar tətbiq edərək önəmli dərəcədə Nvidia-ya rəqib ola bildi. İntel isə İris Xe seriyalı daxili ekran kartlarını təqdim etdi.
Standart notbuk ekran ölçüsü və ən geniş yayılanı 15.6” ölçüyə malik ekranlardı. Görülən işdən asılı olaraq 13.3 – 14, 17.3 ölçülü olanlarını da seçə bilərsiz. HD ekran adlanan 720P və FullHD dediyimiz 1080P ekranları ən çox yayılan ekran növləridir. Göz sağlamlığımızı nəzərə alaraq FHD yəni 1080P ekran seçimi təbii ki daha məqsədəuygun olar. Gündəlik istifadə etdiyimiz notbukların əksəriyyətində ekranlar LG və Samsung şirkəti tərəfindən istehsal olunur